Франциялик машҳур дзюдочи Тедди Ринер 2027 йил баҳорида бўлиб ўтадиган президентлик сайловларида иштирок этиш ниятини билдирди.

Жаҳон дзюдоси тарихидаги энг кўп совринга эга спортчилардан бири бўлган Ринер номзодини илгари суришдан мақсади Францияни қайта тиклаш ва жамиятни бирлаштириш эканини айтди.

«Францияни қайта тиклашимиз мумкинлигини исботлаш учун номзодимни илгари суряпман», — деди у.

Спортчининг сайловолди кампанияси «Биз истаган Франция» (La France qu'on veut) шиори остида ўтказилиши режалаштирилган. У французларни бирлаштириш, жамиятдаги келишмовчиликлар ва сиёсий қарама-қаршиликларни бартараф этишни асосий мақсад қилиб белгилаган.

Маълумот учун, Тедди Ринер беш карра Олимпия ўйинлари чемпиони ва жаҳон чемпионатларининг 11 карра ғолиби ҳисобланади. У 100 килограммдан юқори вазн тоифасида иштирок этган.

Франциядаги президентлик сайловлари 2027 йил 18 апрелда бўлиб ўтиши белгиланган. Амалдаги президент Эммануэль Макрон Конституцияга кўра, кетма-кет икки муддат президентлик қилгани сабабли учинчи марта номзодини қўя олмайди.