БМТ маълумотларига кўра, август ойи бошидан буён Яманда қарийб 330 минг киши қуролли тўқнашувлар сабабли ўз уйини тарк этишга мажбур бўлган. Уларнинг 40 фоиздан ортиғи — қарийб 140 минг киши Таиз вилоятида жойлашган.

Ҳудуддаги гуманитар вазият ҳам оғирлашмоқда. Жанглар туфайли муҳим йўллар ёпилиб, озиқ-овқат, дори-дармон ва бошқа зарур юкларни етказиб бериш қийинлашган.

Эслатиб ўтамиз, октябрь бошида Яман ҳукумат кучлари ҳусийлар назоратидаги ҳудудларни қайтариб олиш мақсадида кенг кўламли ҳарбий амалиёт бошлаган эди. Минтақадаги кескинлик ҳамон сақланиб қолмоқда.