Respublika Davlat xavfsizlik xizmati «Temurbeklar maktabi» harbiy-akademik litseyiga o‘qishga kirishni istagan 9-sinf o‘quvchilari uchun 2021 yil 5 sentyabr kunidan 5 oktyabrga qadar DXXning viloyat(shahar) va tuman bo‘limlariga ariza topshirishlari mumkin. Ushbu tanlov O‘zbekiston Respublikasi Prezidentining 2019 yil 28 iyundagi «O‘smirlarni harbiy-vatanparvarlik ruhida tarbiyalash hamda O‘zbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qo‘shimcha chora-tadbirlar to‘g‘risida»gi qaroriga muvofiq amalga oshirilmoqda.
O‘zR DXXni «Temurbeklar maktabi» harbiy-akademik litseyiga o‘qishga kirmoqchi bo‘lgan o‘quvchilarga Xizmatning bo‘limlarida harbiy-kasbiy tanlash tadbirlari o‘tkaziladi. Bu sinovlardan o‘tgan o‘quvchilarga DTM tomonidan tuzilgan test sinovlari beriladi. Ushbu test sinovlari tarix va xorijiy til (ingliz) fanlari bo‘yicha bo‘lib o‘tadi.
