Сўнгги кунларда сохта авиачипталар сотиш ҳолатлари кўпаяётганлиги сабабли авиакомпания йўловчиларга “Uzbekistan Airways” ҳақиқий авиачиптасида қуйидаги маълумотлар кўрсатилиши кераклигини эслатиб ўтди:
• 13 та рақамдан иборат ва 250 сонидан бошланадиган ноёб авиачипта рақами;
• авиачипта харид қилган агентликнинг тўлиқ манзили;
• авиачиптанинг нархи, агентлик йиғими миқдори ва харид қилинган аваичиптанинг тарифи;
• багаж учун рухсат этилган жой миқдори;
• “Uzbekistan Airways” авиақатновига чиқиш ва рўйхатдан ўтиш вақти тугаши ҳақида эслатма.
Шунингдек, харид қилинган авиачиптани ҳаволаси ёки Алоқа маркази рақами: 78 140 02 00 орқали текшириб олиш мумкин эканлиги эслатиб ўтилган хабарда.
