So‘nggi kunlarda soxta aviachiptalar sotish holatlari ko‘payayotganligi sababli aviakompaniya yo‘lovchilarga «Uzbekistan Airways» haqiqiy aviachiptasida quyidagi maʼlumotlar ko‘rsatilishi kerakligini eslatib o‘tdi:
• 13 ta raqamdan iborat ва 250 sonidan boshlanadigan noyob aviachipta raqami;
• aviachipta xarid qilgan agentlikning to‘liq manzili;
• aviachiptaning narxi, agentlik yig‘imi miqdori va xarid qilingan avaichiptaning tarifi;
• bagaj uchun ruxsat etilgan joy miqdori;
• «Uzbekistan Airways» aviaqatnoviga chiqish va ro‘yxatdan o‘tish vaqti tugashi haqida eslatma.
Shuningdek, xarid qilingan aviachiptani havolasi yoki Aloqa markazi raqami: 78 140 02 00 orqali tekshirib olish mumkin ekanligi eslatib o’tdi.
