Avvalroq, Toshkentda erkak 17 yoshli qizga tegajog‘lik qilishga uringani haqida xabar berilgandi.
Poytaxt Ichki ishlar bosh boshqarmasi holat bo‘yicha qo‘shimcha maʼlumot berdi.
Unga ko‘ra, voyaga yetmagan qizga nisbatan nomunosib xatti-harakatlar sodir etgan Y.B. (1974 yilda tug‘ilgan) ushlangan. U Maʼmuriy javobgarlik to‘g‘risidagi kodeksning 183- (mayda bezorilik) va 194-moddasi (ichki ishlar organlari xodimining qonuniy talablarini bajarmaslik) bilan javobgarlikka tortilgan.
Jinoyat ishlari bo‘yicha tuman sudining qaroriga asosan ushbu shaxsga nisbatan 10 sutka maʼmuriy qamoq hamda jarima jazosi tayinlangan.
