Мурожаатларингизни “Online-video” тизими орқали йўлланг !
Фуқароларимиз мурожаатларини кўриб чиқиш, уларнинг ҳуқуқ ва манфаатларини таъминлаш Мажбурий ижро бюроси органлари олдидаги муҳим вазифалардан биридир !
Эндиликда, фуқароларимиз ўз мурожаатлари билан Бюронинг исталган вилоят бошқармаларида ташкил этилган “Online-video” тизими орқали юбориши мумкин !
“Online-video” тизими видеоконференц алоқа воситаси орқали :
- фуқароларимизнинг Бюро марказий маҳкама раҳбарияти, масъул ходимлари билан тўғридан-тўғри боғланиб, ўз мурожаатини йўллаши;
- ижро ҳужжати бўйича бошқа ҳудудларда жойлашган қарздор(жавобгар), ундирувчи ва бошқа шахслар билан мулоқот қилиш;
- ижро ҳужжатига масъул ходимлардан изоҳ олиш ва мурожаат қолдириш;
- Коррупция ҳолатлари, сансалорлик ва бошқа қонунбузилишлар тўғрисида хабар қолдириш имкониятини беради.
Асосийси — аҳоли мурожаатларини қабул қилишда янада қулайлик ва шаффофлик яратиш, муаммоларини тезкорликда ҳал этиш ҳамда ходимлар масъулиятини оширишдир!
Бу имконият — Сизни ўз ҳудудингиз орқали марказ билан тўғридан-тўғри боғлайди!
Фуқароларимиз Бюронинг хоҳлаган ҳудудий бошқарма ёки бўлимлари орқали ушбу тизим билан боғланишлари мумкин !
“Online-video” тизимида мурожаат йўллашга тўсқинлик қилган ходимлар ҳақида (71) 207-11-59, 207-11-74 қисқа рақамли ишонч телефонига шикоят йўллашни унутманг!
