Афғонистонда содир бўлган сув тошқинлари оқибатида 400 киши ҳалок бўлди, деб хабар берди Tolo News телеканали.
«Яқинда содир бўлган сув тошқинлари оқибатида бутун Афғонистон бўйича камида 400 киши қурбон бўлди», — дейилади телеканал хабарида.
Қайд этилишича, сўнгги кунларда мамлакатнинг қатор вилоятлари, хусусан, Кобул, Панжшер, Хўст, Пактия, Нангарҳор ва бошқа вилоятларида сув тошқинлари юз берган.
«Жароҳатланганлар шифохоналарга ётқизилди. Уй-жойларига зарар етган одамлар эвакуация қилинди», — деб маълум қилди табиий офатлар оқибатларини бартараф қилиш вазирлиги.
Хабар қилинишича, ўнлаб гектар ерлар сув остида қолган.
