Боксчимиз Муроджон Аҳмадалиев АҚШнинг Техас штатида профессионал рингдаги 11-жангини ўтказди.
Ушбу жангда боксчимизга америкалик Ронни Риос рақиблик қилди. 12 раундга мўлжалланган жанг сўнгги 12-раундда якунига етди.
Боксчимиз сўнгги раундда зарбалар серияси эвазига рақибини нокдаун ҳолатига туширди. Шундан сўнг Риос жангни давом эттирди. Бироқ Муроджон яна темпни оширди ва жанг рефериси техник нокаут қайд этди.
Ушбу ғалаба орқали Муроджон иккинчи енгил вазн тоифасидаги ўзига тегишли WBA ва IBF камарларини ҳимоя қилди.
