Хитой раҳбари Си Цзиньпин Россия президенти Владимир Путиннинг таклифига жавобан Россияга ташриф буюришдан бош тортди. Бу ҳақда «Газета.ru» хабар берди.
Маълум қилинишича, Путин 15 июнь куни бўлиб ўтган телефон суҳбатида Хитой раисини Россияга таклиф қилган. Бироқ, Си Цзиньпин Россия президентининг таклифини рад этиб, коронавирус пандемияси туфайли яқин келажакда Россияга ташриф буюриш қийинлигини айтган.
Япониянинг «Yomiuri Shimbun» нашри Хитой ҳукуматидаги манбаларига таяниб, Путин Си Цзиньпин ташрифидан АҚШ ва Европа билан зиддиятларни янада чуқурлаштирмаслик учун фойдаланишга умид қилаётганини айтганди.
Ўз навбатида, Путиннинг матубот котиби Дмитрий Песков Си Цзиньпиннинг Россияга келмаслигини қуйидагича изоҳлаган:
«Гап шундаки, Хитойда маълум ковид чекловлари давом этмоқда ва бу мутлақо нормал ҳолат, биз бунга тушуниш билан муносабатда бўлишимиз керак», — деган Песков.
