Жиззах вилояти Жиззах шаҳри ҳудудида турмушидан ажраган аёл таниш маҳалладоши томонидан пичоқланди. Бу ҳақда «Zamon» дастурида маълум қилинди.
Қайд этилишича, Жиззах шаҳри Иттифоқ маҳалласида яшовчи аёлни таниш маҳалладоши кечаси билан телефонда ким билан ёзишасан деб сўроқ қилган. Шунга қарамасдан, бу ёзишмалар давом этаверган. Шундан сўнг эркак ошхонадаги пичоқни олиб чиқиб аёлинг қорин соҳасига бир маротаба уриб, тан жароҳати етказган.
Оқибатда жабрланувчи Республика Шошилинч тиббий ёрдам маркази Жиззах филлиалига ётқизилган.
«Келган вақтда аҳволи оғирлиги сабабли бемор операцияга олинди. Қорин бўшлиғига санчилиб кирувчи жароҳат туфайли унинг ичакларига зарар етган, оқибатда бемор 1-1,5 литр қон йўқотган. 2 соат давом этган жарроҳлик амалиёти муваффақиятли ўтди. Операциядан кейинги 7-суткада беморнинг аҳволи қониқарли. Унга амбулатор шароитда жавоб берилмоқда», — деган Биринчи хирургия шифокори Акмал Алиев.
Ҳолат юзасидан Жиноят кодекси 104-моддаси (Қасддан баданга оғир шикаст етказиш) 2-қисми «л» банди билан жиноят иши қўзғатилиб, гумонланувчи Жиноят протсиссуал кодексининг 221-моддаси асосида ушланган ва вақтинча сақлаш хибсхонасига жойлаштирилган. Ҳозирда тергов ҳаракатлари олиб борилаётгани маълум қилинган.
