Охирги пайтларда Испаниядаги қишлоқларнинг нуфузи борган сари тушиб боряпти. Шу вазиятни ҳам ҳисобга олган ҳолда бир қишлоқ сотувга қўйилди. Португалия чегарасига яқин ҳудудда жойлашган бир қишлоқ сотувга чиқарилди.
Қишлоқнинг ичида 44 та уй, черков, мактаб ва меҳмонхона мавжуд бўлиб, Замора шаҳрига қарашли ушбу Салто номли қишлоқ учун 260 минг евро нарх қўйилди. Шу пайтгача қишлоқни сотиб олиш учун 2 та Испаниялик, 1 та Португалиялик ва 1 Инглиз алоқага чиққан.
Маълумотларга кўра, Испаниядаги қишлоқлар борган сари бўшаб қоляпти. Бунга сабаб қишлоқда яшовчи аҳоли катта шаҳарларга кўчиб кетишмоқда. Бугунги кунгача сотув билан боғлиқ эълон бўйича 200 га яқин киши боғланди, жуда кўп қўнғироқлар бўляпти, дейди сотиш ишлари билан шуғулланаётган ширкат. Эски гидроэлектрик маркази сабаб бўлиб қурилиб қолган бу қишлоқ 1950 йилда барпо этилганди.
Дастлаб бу ерда дам олиш маскани ҳисобланган парк мавжуд эди, 1989 йилда ёпилганидан кейин қишлоқнинг нуфузи ҳам тушиб кетди. Марказ 2000 йилда туризм комплекси қурилиши мақсадида бир инвесторга сотилгани, фақат проектнинг амалга ошмагани ҳақида маълумот берилди. Ушбу қишлоқни сотиб олган киши бу ерда қишлоқ туризмини ривожлантириши мумкинлиги таъкидланди.
