Оғир ускуналар ишлаб чиқарувчи Caterpillar компанияси 793 Electric деб номланган, 2650 от кучига эга бўлган, тўлиқ электрда юрадиган, тоғ-конда ҳаракатланишга мўлжалланган юк машинаси прототипини намойиш этди.
Юк машинаси компаниянинг Аризона штатидаги полигонида синовдан ўтказилди. Самосвал 265 тонна оғирликдаги юкни 7 километр масофага олиб ўтган (таққослаш учун, дунёдаги энг кучли тоғ-кон самосвалининг юк кўтариш қуввати БелАЗ-75710 450 тонна). Максимал тезлик 60 км/соатга етди.
Йўлда у 10 градуслик нишабга 12 км/соат тезликда кўтарилди. Тоғ-кон йўналишидаги йирик компаниялар – BHP, Freeport-McMoRan, Newmont Corporation, Rio Tinto ҳамда Teck Resources Limited Caterpillar компанияси билан ҳамкорликни йўлга қўйди. Чунки мазкур компаниялар келажакда ўз фаолиятларида бу турдаги электр юк машиналаридан фойдаланишни режалаштирмоқда.
