Япониянинг Япон денгизи қирғоқлари бўйлаб бир қанча минтақаларида ва Хонсю асосий оролининг шимоли-шарқида кучли қор ёғиши туфайли камида 16 минг уй электр таъминотисиз қолди. Бу ҳақда бугун «ТАСС» ахборот агентлиги Tohoku Electric Power энергетика компанияси таяниб хабар берди.
Ниигата префектураси энг кўп муаммоларни бошдан кечирмоқда, у ерда 11 минг хонадон ёруғликдан узилган. Ҳозирда электр таъминотини тиклаш ишлари олиб борилмоқда.
Якшанба куни Япониянинг шимоли-шарқий ҳудудларида кучли қор ёғди. Аомори, Ниигата, Фукусима ва Ямагата каби баъзи префектураларда қор қалинлиги бир-икки метрни ташкил этди, бу йилнинг шу даври учун рекорд даражада.
Вилоятда юқори тезликдаги автомобил йўлларида автомобил транспортининг ҳаракати қийин. Айрим поездлар қатнови ҳам бекор қилинган.
