Куз келиши билан кўпчиликни ангина безовта қила бошлайди. Натижада танамизда умумий ҳолсизланиш, ютинганда томоқ оғриши, тана ҳароратининг кўтарилиши, бош оғриғи каби хасталик аломатлари кутилмаганда кузатилади.
Хуш ангина нима, у қандай касаллик , уни осон ва содда даволаш усули борми деган савол, кўпчилигимизни қийнайди.
Мутахассисларнинг айтиши-ча, ангина (ўткир тонзиллит) инфекцион касаллик бўлиб, асосан совуқ ва нам хаво кунларида тез-тез учраб туради. Стафилококк, стрептококк ва пневмококк инфекциялари бу касалликни келтириб чиқаради. Ангинанинг уч хил – катарал (шиллиқ пардаларининг қизариб яллиғланиши), фолликуляр ва лакунар кўринишлари мавжуд. Катарал ангинада бодомча безлар шишган ва қизарган, фолликулярда йиринглаган ва лакунар ангинада бодомча безлар бутунлай йиринг билан беркилиб қолган бўлади.
Замонавий тиббиётда ангинани даволашнинг, синалган бир нечта усуллари бор. Аммо уни уй шароитида, халқ табобатини қўллаган ҳолда даволаса ҳам бўлади.
Бунинг учун, қирғичдан ўтказилган 1 стакан хом лавлаги устига 1 ошқошиқда сирка солиб тинитиш керак. Кейин сувини сиқиб олиб, оғиз ва томоқ чайиб турилади.
Касалликнинг биринчи 4 кунида кунига 4 марта томоқни 50 мл дан тарвуз суви билан, ёки томоқни анор шарбати билан чайиш ҳам фойда беради.
Ангина бошланишида ўртача катталикдаги яримта лимонни (иложи бўлса майдалаб) пўчоғи билан секин чайнаб ейилади. 2-3 соатдан кейин қолган ярми ҳам истеъмол қилинади, 1 соат ўтганга қадар ҳеч нарса ейилмайди. Бу муолажа бемор тузалганга қадар давом этади.
Тузсиз сувда карам баргларини юмшагунча қайнатинг, бироз вақт турсин, сўнг докада сўзинг. 200 мл қайнатмага 3 чой қошиқда асал солиб, кунига 4 марта овқат олдидан 100 мл дан ичиш керак. Бу муолажа томоқ оғриғи қолгунча бажарилади.
