Рафиқ Нишонов 96 ёшида вафот этди. Бу ҳақда Nuz.uz маълум қилди. Давлат ва жамоат арбоби Рафиқ Нишонов 1926 йил 15 январда Бўстонлиқ туманида туғилган. Тошкент давлат педагогика институтини тамомлаган, тарих фанлари номзоди.
Рафиқ Нишонов Тошкент шаҳар ижроия қўмитаси раиси, СССРнинг Шри-Ланка, Мальдив Республикаси, Иордания Қироллигидаги фавқулодда ва мухтор элчиси бўлиб хизмат қилган. Ўзбекистон Республикаси ташқи ишлар вазири, Республика Олий Совети Президиумининг раиси, Ўзбекистон КП Марказий қўмитаси биринчи котиби лавозимларида ишлаган.
1951 йилдан туман партия комитети котиби, Тошкент шаҳри партия комитети бўлим мудири, Тошкент шаҳри Тошкент педагогика институтининг кечки курсларини битирган (1959 йил). 1963 йилда Ўзбекистон ССР Коммунистик партия Марказий қўмитаси бюросининг котиби ва аъзоси бўлган. Шри-Ланка ва Иорданияда элчи бўлиб ишлаган. 1985 йилда Ўзбекистон ССР Ташқи ишлар вазири бўлган. 1986 йилдан 1988 йилгача Ўзбекистон ССР Олий Кенгаши Президиумининг раиси бўлган. 1988 йилдан 1989 йилгача Ўзбекистон ССР Коммунистик партия марказий қўмитасининг биринчи котиби, сўнгра ССР Олий Кенгаши миллатлар Кенгашининг раиси бўлган. 1991 йилдан нафақага чиққан.
Ogoh.uz таҳририяти марҳумнинг оила аъзолари, яқинларига таъзия билдиради.
