Австралиянинг шимолидаги бир ўрмондан топилган қора қурбақа, “Қамиш қурбақаси” деб номланадиган Rhinella Марина турининг ҳозиргача аниқланган энг катта аъзоси ҳисобланади. Оддий қурбақалардан тахминан олти баравар оғирликка эга бўлган ушбу қурбақа 2,7 кг.
Мутахасислар томонидан топиб олиниб, қўриқланаётган бу жониворга Godzilla номидан келиб чиқиб, Toadzilla деб исм берилди. “ Toad ” инглиз тилидан олинган сўз бўлиб, “Қора қурбақа” деган маънони билдиради.
Мутахасислар аввалига бунчалик катталикдаги қурбақа бўлиши мумкинлигига ишонмасдан суратларга шубҳа билан қарашди. Уни ўз кўзлари билан кўргандан кейингина ишонишди. Ҳозирги кунгача энг улкан қора қурбақа, Швециядан топилган бўлиб, у 1991 йилда “Гиннес рекордлар Китоби” га киритилган 2,65 килограмлик Принсен номли қурбақа эди.
Тоадзилла эса бу рекордни ўз вазни билан янгилади. Лотинча номи Rhinella marina бўлган улкан қора қурбақалар илк бор 1935 йилда оролга келтирилган. Қишлоқ хўжалигида шакарқамишни ҳашаротлардан асраш мақсадида келтирилган 100 та қурбақанинг сони бугунги кунда 200 миллион атрофида.
Бу қурбақаларни овлайдиган бирорта ҳайвоннинг борлиги маълум эмас, бироқ ушбу улкан қора қурбақалар оғзига сиққан ҳар қандай нарсани ейиши мумкинлиги айтилади. Тоадзилла қурбақасининг неча ёшдалиги аниқ эмас, бу турнинг 15 йилгача ҳаёт кечириши маълум.
