Бангладешда “Бекинмачоқ ўйнаш мана бундай бўлади” дейишга лойиқ шов-шувли воқеа юз берди. Бир бола дўстлари билан бекинмачоқ ўйнаётиб, кеманинг юк сақланадиган жойига яширинди ва ухлаб қолди.
Боланинг Бангладешда бошланган “Бекинмачоқ” ўйини 5 кундан кейин Малайзияда ниҳоясига етди. Малайзия Ички Ишлар Вазирлиги бу ҳолатнинг кўнгилсиз ҳодиса эканини эътироф этди. Кемадаги ишчилардан бири юкхонадан эшикнинг қаттиқ тақиллаши ҳамда бақирган овоз келаётганини капитанга хабар қилди.
Изланишлар ҳечқандай натижа бермагач, кема фавқулодда вазият туфайли тўхташга мажбур бўлди. Охири юкхоналарни бирма-бир текшириб чиқишгач, ҳолдан тойган болани топишди. 12-15 ёшлардаги Фаҳим исмли ушбу бола бекингач, ухлаб қолганини, уйғонганида эса кеманинг ҳаракатланаётганини билгач, дастлаб қувонганини, сўнгра эса ташқарига чиқишга чора тополмаганини билдирган.
Малайзия қутқарув хизмати ходимлари томонидан Фаҳимнинг саломатлиги текширилиши учун, шифохонага жўнатилди. Малайзия Ички Ишлари Вазирлиги ушбу ҳолатнинг шунчаки кўнгилсиз ҳодиса эканини таъкидларкан бу ҳолатда ҳечқандай қочоқлик белгиси кузатилмаганини, боланинг соғлиги назорат қилингач, ўлкасига қайтариб юборилишини айтди.
