Сўнгги ойларда Ер юзида COVID-19 пандемиясининг оқибатлари яна кенг кўлам касб эта бошлади. Хусусан, шу йилнинг 2-29 январь кунлари оралиғида дунё бўйича қарийб 20 миллион нафар кишига коронавирус ташхиси қўйилди.
Ачинарли жиҳати, аниқланган беморларнинг 114 минг нафардан ортиғи хасталик оқибатида ҳаётдан кўз юмди.
ЖССТнинг навбатдаги ҳисоботига кўра, гарчи касалланиш кўрсаткичлари декабрь ойига қараганда 78 фоизга камайган бўлса-да, ўлим ҳолатлари 65 фоизга ошгани ташвишланарли.
Сўнгги тўрт ҳафта ичида энг кўп беморлар қуйидаги мамлакатларда қайд этилди:
Хитой — 11,4 миллион,
Япония — 3,2 миллион,
АҚШ — 1,5 миллион,
Жанубий Корея — 1 миллион.
Бразилия — 460 минг.
Энг кўп ўлим ҳолатлари рўйхатга олинган давлатлар:
Хитой — 62 759,
АҚШ — 14 625,
Япония — 10 122,
Буюк Британия — 3 137,
Бразилия — 2 889.
