Туркияда зилзила қурбонлари сони 35 минг 418 нафарга етди, дея маълум қилди Президент Ражаб Тоййиб Эрдоған. Бу ҳақда “ТАСС” хабар бермоқда.
Аввалроқ Эрдоған 6 февралдаги зилзила 1999 йилда Мармара денгизида содир бўлган ва 18 мингдан ортиқ одамнинг ҳаётига зомин бўлган зилзиладан уч баробар кучлироқ бўлганини айтган эди.
Эслатиб ўтамиз, 6 февраль куни Туркия жануби-шарқида 7,7 ва 7,6 магнитудали зилзилалар содир бўлди. Улар 1939 йилдан бери энг кучлисига айланди.
