Тошкент вилояти Зангиота туманида 11 февраль куни «Волга» каналга тушиб кетди. Бу ҳақда «Автопатрул» кўрсатувида хабар берилди.
Маълум бўлишича, 2000 йилда туғилган фуқаро ҳайдовчилик гувоҳномасига эга бўлмасдан туриб «Волга» автомобилини бошқарган. Магистраль йўлда машина бошқаруви йўқотилиб, йўл четига чиқиб кетган.
Бунинг оқибатида «ГАЗ-31029» («Волга») Бўзсув каналига тушиб кетган. Ҳайдовчи эса машинадан чиқолмай, кўп сув ютиши оқибатида ҳалок бўлган. Қутқарувчилар воқеа жойига етиб бориб автомобилни каналдан чиқариб олган.
