Америкалик бизнесмен ва ихтирочи Илон Маск 27 февраль куни Блоомберг талқини бўйича яна сайёрамизнинг энг бой одамлари рейтингида биринчи ўринни эгаллади. Агентлик маълумотларига кўра, Маскнинг бойлиги ҳозирда 187,1 миллиард долларга баҳоланмоқда.
Теsla ва SpaceХ эгаси Илон Маск француз ҳашаматли товарлар ишлаб чиқарувчи LVMH (LVMH Moet Hennessy — Louis Vuitton) раҳбари ва эгаси Бернард Арнодан ўзиб кетди. Бернард 185,3 миллиард доллар бойлиги билан рўйхатда иккинчи ўринда.
Рўйхатда учинчи ўринда Амазон асосчиси Жефф Безоснинг бойлиги 117 миллиард долларни ташкил этади.
Блоомберг маълумотларига кўра, Маскнинг активлари Тесла акциялари нархининг деярли 70 фоизга кўтарилиши эвазига кўпайган. Бунга компаниянинг электромобиллари нархини пасайтиргандан кейин талабнинг ортиши ҳам ёрдам берди.
Тwitterни 44 миллиард долларга сотиб олганидан сўнг Маск қийинчиликка учраган компания учун харажатларни кескин қисқартира бошлади. У ўз ходимларининг ярмидан кўпини ишдан бўшатди, маркетинг коммуникациялари ва бошқа хизматларга сарфланадиган харажатларни қисқартирди ва ижтимоий тармоқдан пул ишлашнинг янги усулларини излай бошлади. Миллиардернинг сўзларига кўра, Тwitter кунига 4 миллион доллар йўқотган. Маск раҳбарлигида компания муваффақиятга эришди ва банкротликдан қутулди.
