Тошкент вилояти Зангиота туманида автомобил йўли бўйида йирик ёнғин содир бўлди. ФВВ бу бўйича маълумот берди.
Унга кўра, 11 июнь куни 21:41 да Тошкент вилояти Зангиота тумани “Қуёшли” МФЙ ҳудудидан ўтган М-39 автомобил йўли бўйида тахминан 150 кв/м очиқ майдонда қуруқ ўт ёнган. Шунга кўра 2 та ёнғин-қутқарув экипажи соат 21:47 да воқеа жойига етиб бориб, ёнғин соат 22:50 да ўчирилган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
