Жиззах вилояти прокуратураси 12 яшар қиз билан жинсий алоқа қилган 21 ёшли йигитнинг иши судда қайта кўрилишини маълум қилди.
Аввалроқ Мирзачўл туман суди судланувчи Т.Х. га нисбатан 2 йилга озодликни чеклаш жазоси тайинланганди. Туман судининг бу қарори жамоатчилик орасида эътироз уйғотди.
Ҳолатга Жиззах вилояти прокуратураси муносабат билдирди.
«Ўрганишда Т.Х.нинг жиноий қилмишини малакалаш ва жазо тайинлашда суд томонидан жиноят — процессуал қонунчилик талабларига тўлиқ риоя қилинмаганлиги инобатга олиниб, жиноят ишлари бўйича Жиззах вилояти суди апелляция инстанцияси судлов ҳайъатига ҳукмни бекор қилиб, янги айблов ҳукми чиқариш юзасидан протест келтирилди», дейилади прокуратура хабарида.
