Ироқ шимолидаги Мосул шаҳрида тўй чоғида юз берган ёнғинда 100 киши ҳалок бўлди, 500 га яқин киши жароҳатланди, деб хабар беради Кazinform ХАА Anadoluга таяниб.
Бу ҳақда маҳаллий ОАВга Мосул соғлиқни сақлаш бошқармаси вакили Аҳмад Ҳамдоний маълум қилди.
Аввал хабар берганимиздек, фожиа Ҳамдания туманидаги тўй чоғида содир бўлган. Ёнғинга феерверклар сабаб бўлган бўлиши мумкин. Залда 800 киши ўтирнган. Дастлаб 150 киши жароҳат олгани хабар қилинган эди.
Ҳозирда воқеа жойида фавқулодда хизматлар ишламоқда.
Вилоятга мамлакат ички ишлар вазири Абдулэмир Шаммари ташриф буюриши кутиляпти.
Ижтимоий тармоқдаги кадрларда ёнғин янги турмуш қурганлар рақсга тушаётган пайтда бошланганини кўриш мумкин.
