Нигерия жанубидаги Дельта штатида ёнилғи ташувчи танкернинг портлаши оқибатида камида 20 киши ҳалок бўлди ва кўплар жабрланди, деб хабар бермоқда Анадолу агентлиги.
Маҳаллий ОАВ маълумотларига кўра, Варри – Бенин трассасида ёнилғи ташувчи танкер номаълум сабабларга кўра портлаб кетган.
Танкер портлаши сабабларини ўрганиш ишлари олиб бориляпти. Жабрланганлар касалхонага ётқизилган. Қурбонлар сони ортиши эҳтимоли бор.
