Норматив-ҳуқуқий ҳужжатлар лойиҳалари муҳокамаси порталига соғлиқни сақлаш кодекси лойиҳаси муҳокамага қўйилди. Кодекс шу пайтгача соғлиқни сақлаш тизимини тартибга солувчи тарқоқ қонунчилик, қонуности ҳужжатларининг кўплиги ва улар ўртасида қарама-қаршиликлар, бўшлиқларни йўқотиш мақсадида ишлаб чиқилган.
Кодекс яратилиши соҳадаги қонунчиликни тизимлаштириш ва кодификациялаш, тўғридан тўғри амал қиладиган қонун ҳужжатини қабул қилиш орқали тиббиёт соҳасини қонуности ҳужжатлари билан тартибга солиш ҳажмини қисқартириш, соҳадаги халқаро стандартларни ва хорижий мамлакатларнинг энг яхши амалиётини имплементация қилиш заруратидан пайдо бўлган.
Шу билан бирга, соҳадаги миллий қонунчиликни такомиллаштириш – аҳолига тиббий хизматлар кўрсатиш даражаси ва тиббиёт соҳаси самарадорлигини ошириш, тиббиёт ходимларининг жавобгарлигини кучайтириш ва ҳимояланиш даражасини кенгайтириши айтилмоқда. Таклиф қилинаётган кодекс 21 боб ва 199 моддани ўз ичига олиши кўрсатилган.
