Грузия Конституциявий суди мамлакат президенти Саломе Зурабишвилига қарши импичмент жараёнини бошлашга рухсат берди, деб хабар бермоқда ВВС.
Грузия тарихида бўлмаган президентга импичмент эълон қилиш иши уч кун давомида 9 нафар судя томонидан кўриб чиқилди. Қарор қабул қилиш учун улардан камида олтитасининг келишуви зарур эди.
Суд қарорини ўқиган Конституциявий суд раиси Мераб Турав президент чет элга уч марта сафари чоғида халқаро муносабатлар соҳасидаги ваколатларини ҳукумат розилигисиз амалга оширганини ва бу билан Конституциянинг 52-моддасини бузганини таъкидлади.
Бу Конституциявий суднинг якуний ва апелляция қилиниши мумкин бўлмаган хулосасидир.
Мамлакатнинг ҳукмрон партияси бир ой аввал импичмент масаласи бўйича судга мурожаат қилган.
2018 йилда Грузияда бўлиб ўтган президентлик сайловларида тажрибали дипломат, асли франциялик Саломе Зурабишвили ғалаба қозонди. У мустақил Грузия тарихидаги биринчи аёл президентдир.
