Тошкент-Марказий, Самарқанд ва Қўқон темир йўл вокзаллари ва улардаги бўш жойлар давлат-хусусий шерикчилик асосида тадбиркорларга берилади. Бу ҳақда «Ўзбекистон темир йўллари» АЖ матбуот хизмати хабар берди.
«Ўзбекистон Республикаси темир йўл транспорти соҳасини тубдан ислоҳ қилиш тўғрисида»ги қарорга кўра, «Ўзтемирйўлйўловчи» АЖ таркибида вокзаллар фаолиятини таъминлаш бўйича «темир йўл вокзаллари» МЧЖни ташкил қилиш борасида қатор ишлар амалга оширилган.
Жумладан, 2023 йил ноябр ойидан бошлаб, «Ўзбекистон темир йўллари» АЖ томонидан Тошкент-Марказий, Самарқанд ва Қўқон темир йўл вокзаллари, уларда жойлашган бўш ҳудудларни тадбиркорларга давлат-хусусий шерикчилик ҳамда шартнома асосида ижарага берилади.
Тадбиркорлар вокзаллар ва бўш жойларни ижарага олишлари ва уларда бизнесларини ривожлантиришлари учун имконияти яратилган.
Тошкент-Марказий темир йўл вокзалида тадбиркорлар учун 4 минг километр/квадрат жой бўлиб, хусусий шерикчилик ҳамда ижарага берилмоқда. Бу ерда тадбиркор офис учун жой, меҳмонхона, дўкон, хизмат кўрсатиш шохобчалари ҳамда савдо марказлари ташкил қилишлари мумкин.
Вазирлар Маҳкамасининг қарорига асосан, темир йўл вокзалларидаги бўш ҳудудларни ижарага олмоқчи бўлган тадбиркорнинг таклифи ўрганилиб, танланган жой «Э-аукцион» платформаси орқали ижарага берилади.
