Озиқ-овқат ва фармацевтика идораси (FDA) мутахассислари ёғни эритувчи инъекцияларнинг потенциал хавфини аниқлади. Бу ҳақда MedicalXpressда маълум қилинди.
Инъекциялар ёғ ҳужайраларини парчалашга ёрдам беради ва инъекция жойлари атрофидаги ёғ бирикмаларини камайтиради. Бироқ, рухсат этилмаган инъекциялардан фойдаланиш салбий реакцияларга, хусусан чандиқлар, терининг деформацияси, кисталар, оғриқли тугунлар ва жиддий инфекцияларга олиб келади.
Инъекциялар алоҳида ёки биргаликда ишлатиладиган фосфатидилхолин (PPS) ва натрий деоксихолатни (DC) ўз ичига олади. Ҳозирги вақтда ФДA фақат битта ёғни эритувчи инъекцион дори, рецепт асосида бериладиган Kybella деб аталадиган деозихол кислотасини тасдиқлади. У табиий равишда ичак бактериялари томонидан ишлаб чиқарилади ва овқат ҳазм қилиш жараёнида ёғларни парчалашга ёрдам беради.
Ёғ эритадиган воситадан хавфсиз ва самарали фойдаланиш учун тўғри миқдорни танлаш ва инъекция жойлашишини, игналарни тўғри жойлаштиришни ва стерил шароитларни талаб қилади. Бундай муолажалар фақат тиббий мутахассислар томонидан амалга оширилиши лозим.
