Баъзи одамлар дорини сувсиз ёки ниҳоятда кам сув билан қабул қилади.
Бу нотўғри. Чунки таъсир қилиши учун таблетка ва капсулалар, аввало, ошқозонга тушиши керак. Уларнинг томоқ ва қизилўнгачдан бемалол ўтиши учун эса суюқлик зарур.
Агар сув етарли бўлмаса, дори қизилўнгачда ёпишиб қолиши мумкин. У ерда эса у танага керакли таъсирни кўрсатмайди. Аксинча зарар етказиши, яъни яллиғланиш ёки ошқозон ярасини келтириб чиқариши мумкин.
Шу сабабли дори-дармонларни камида 100 мл. сув билан ичиш тавсия этилади.
