Исроил армияси Ғазо секторининг марказий қисмидаги Нусейрат қочқинлар лагерида тинч аҳолини қўрқитиш, ўзига жалб қилиш ва нишонга олиш учун безовта қилувчи янги усуллардан фойдаланмоқда.
Euro-Med мониторинг гуруҳига берилган лагерь аҳолисининг гувоҳликлари якшанба ва душанба кунлари тунда аёлларнинг қичқириғи ва чақалоқларнинг йиғлаши эшитилганини тасдиқлайди.
Айрим ғазоликлар овоз қаердан келаётганини аниқлаш ва ёрдам беришга ҳаракат қилганида, Исроил квадрокоптерлари томонидан ўққа тутилган. Улар эшитган товушлар аслида Исроил учувчисиз учоқларидан таралмоқда ва лагерь аҳолисини мерганлар ва бошқа қуроллар нишонига айланиши учун атайин тарқатилмоқда.
Гувоҳларнинг сўзларига кўра, бу усул тунда бутунлай зулматда яшовчи ва ташқи дунёдан бутунлай узиб қўйилган тинч аҳолини руҳий жиҳатдан қўрқитиш мақсадида ўқ овозлари, қуролли тўқнашувлар, портлашлар, ҳарбий техника ҳаракати, баъзан эса иброний ва араб тилидаги қўшиқларни эшиттиришни ҳам ўз ичига олган.
“Кечаси ўтирган эдик, қиз ва аёлларнинг: “Келинглар, менга ёрдам беринглар, ярадорман” деб қичқирганини эшитдик. Ҳеч қандай аёл топилмади, лекин биз квадрокоптернинг тўғридан-тўғри нишонига айландик”, — деган20 ёшли лагерда яшовчи йигит Euro-MedMonitor жамоасига.
60 ёшли аёл баланд овозда ўқ овозларини эшитганини, сўнгра аёлларнинг аянчли қичқириғини, одамларга болалари жароҳатланганини айтиб, ёрдам сўраганини сўзлаб берди.
“Овоз тахминан 10-15 дақиқа давом этди, лекин ҳеч биримиз ташқарига чиқмадик, чунки жуда кеч эди ва мен бу учоқлардан чиқаётган овозлар эканлигини билардим”, — дея давом эттирди у.
Ушбу руҳий қўрқитиш усули Исроилнинг ҳарбий вертолёт, самолёт ва учувчисиз учоқлар ва артиллерия ёрдамида Ғазога шафқатсиз ҳужум уюштираётган бир вақтда қўлланилмоқда.
Ҳужумлар Нусайрат лагерининг турли қисмларида тартибсиз, шиддатли ва доимий равишда содир этилмоқда.
Исроил армияси тасодифий ва тизимли равишда Нусайрат лагерининг шунчаки кўчада юрган ёки деразадан ташқарига қараган ҳар қандай аҳолисини, шунингдек, бошпана марказлари ва уйлар ўртасида ҳаракатланишга ёки ҳудудда нима бўлаётганини ўрганишга ҳаракат қилган баъзи тинч аҳолини нишонга олмоқда.
Халқаро инсон ҳуқуқлари қонунига кўра, Исроил армиясининг фаластинлик тинч аҳолини судсиз, мерганлар орқали ёки тўғридан-тўғри ўлдириши фаластинликларнинг яшаш ҳуқуқини бузади. Ушбу ҳаракатлар Женева конвенциясининг бузилиши, шунингдек, уруш жиноятлари ва инсониятга қарши жиноятлар ҳисобланади
