Электр энергияси истеъмоли бўйича Россияда ҳам ижтимоий норма белгиланган экан. Аммо, Ўзбекистондагидан фарқли ўлароқ барча учун 200 кВт/соат этиб белгиланмаган, балки 3 та турли омил ҳисобига ҳар бир хонадон учун турлича белгиланади.
Хонадонда рўйхатдан ўтган шахслар сони
- бир киши учун 96 кВт/соат
- икки киши 156 кВт/соат
- уч киши 196 кВт/соат
- ҳар бир кейинги киши учун +40 кВт/соат
Мавсумий омил
- Ёз мавсумида норма учун х1,1 — кўпайтириш коэффициенти
- Қиш мавсумида норма х0.9 — камайтириш коэффициенти
Ойлик устамалар
- Яроқсиз ёки эскирган уй-жойлар учун х1,5
- Қишлоқ жойларидаги уй-жойлар учун +90 кВт/соат
- Электр қозонли уйларда сситиш мавсумида +3000 кВт/соат
- Электр сув иситиш тизимли уйларда +300 кВт/соат
- Электрплитали уйларда +43 кВт/соат жон бошига, аммо камида 90 кВт/соат
Ҳисоблаш
(Ижтимоий норма х Камайтирилган тариф) + (Нормадан ортиқ истеъмол х Юқори тариф)
Тарифлар — ижтимоий норма
- шаҳарда 4,11 руб.
- қишлоқда ва электрплитали шаҳарларда 2,88 руб.
Тарифлар — ижтимоий нормадан ортиғи - шаҳарда 5,75 руб.
- қишлоқда ва электрплитали шаҳарларда 4,03 руб.
Имтиёзлар
Қуйидаги тоифаларга ижтимоий норма учун х1,5 кўпайтириш коэффициенти қўлланилади:
ёлғиз нафақадагилар
нафақадагилар оиласи
кўп болали оилалар
ногирон киши ёки бола бўлган оилалар
ота-онаси қарамоғида бўлмаган болаларни қабул қилган оилалар
Ўзбекистонда барча учун қўлланилаётган ижтимоий норма Россиядаги 3 кишилик хонадон ижтимоий нормаси билан тенг чиқяпти. Аммо Ўзбекистондаги аксар хонадонларда 3 кишидан кўп одам истиқомат қилади. Иқлим жиҳатидан Россиядан кўра бизда иссиғроқ, уйларнинг энергосамарадорлиги ҳам катта эҳтимол билан пастроқ даражада. Шу сабабли, юқоридаги омилларга ўхшаш дифференциалланган, турли хонадон ва оилаларнинг шарт-шароитидан келиб чиқиб белгиланадиган янги ижтимоий нормани қабул қилиш мақсадга мувофиқ бўлади.
Масалан, 7 киши яшайдиган оилада ёзги мавсумда 391.6 кВт/соат ижтимоий норма келиб чиқаркан. Бу ҳозирги белгиланган нормадан салкам икки баробар ортиқ кўрсаткич.
