Музқаймоқни тез истеъмол қилиш деярли ҳар бир инсоннинг бошида оғриқ пайдо қилиши мумкин.
Владимир Логинов, тиббиёт фанлари номзоди, «Еуроонко» эксперт онкология клиникалари федерал тармоғининг гастроентерологи, бу реакциянинг моҳиятини тушунтирди.
Музқаймоқни истеъмол қилгандан кейин «мия музлаши» ёки «музли бош оғриқ» деб номланувчи, одатда оғиз ва томоқнинг тез совиши туфайли ҳосил бўлувчи оғриқни юзага келтиради. Бу қисқа муддатли оғриқни бошдаги қон томирларининг тезда торайиб-кенгайиши келтириб чиқаради.
Бу жараён қуйидагича содир бўлади: совуқ музқаймоқ оғизга киргач оғиз танглайига тегиб, қон томирлари ва тўқималарни музлатади, бу эса ўша ҳудуддаги қон томирларининг сиқилишига олиб келади. Совуқ таъсири тўхтагандан сўнг, қон томирлари яна тезда кенгаяди ва бу бош оғриғини келтириб чиқаради.
Совуқ десертни истеъмол қилгандан кейин ноқулайлик юзага келмаслиги учун Владимир Логинов уни аста-секин, ютишдан олдин оғизда бир оз эритиб ейишни тавсия қилади.
Агар совуқ овқат ёки ичимликлар истеъмол қилгандан кейин тез-тез бош оғриғига дуч келсангиз, шифокорингизга мурожаат қилишингиз керак, чунки бу маълум касалликларнинг белгиси бўлиши ҳам мумкин.
