«Миллар» дастурининг хабарига кўра, мазкур ҳолат Янгиҳаёт туманида содир бўлган.
Маълум қилинишича, эркак ва аёл нон ишлаб чиқариш корхонасида ишлаб келган. Аёлни яқиндан таниган гувоҳнинг сўзларига кўра, эркак аёлнинг иккинчи турмуши бўлиб, у билан шаръий никоҳда яшаб келган. Уларнинг 1 нафар фарзанди бўлган.
«Эри ҳар доим рашк қиларди. Бу жанжали биринчи марта эмас эди, ҳар доим жанжаллашишарди. Кўча-кўйда ҳам аёлини урарди, лекин у эрини кечириб, яшаб келаётган эди. Аёл ҳар доим яхши муомалада бўларди, ҳеч қачон ундан ёмонлик кўрмаганмиз.
Бу воқеадан кечаси 22:00 атрофида хабар топдик. Эшитишимиз бўйича, эри унга 19 марта пичоқ урган. Бўйни иккита тарафдан кесилган». -дейди гувоҳлардан бири.
Мазкур ҳолат юзасидан 11 июль куни Янгиҳаёт тумани прокуратураси томонидан эркакка нисбатан ЖКнинг 97- моддаси (қасддан одам ўлдириш) билан жиноят иши қўзғатилган. Бу ҳақда Бош прокуратура Матбуот котиби Ҳаёт Шамсутдинов маълум қилди. Гумонланувчи процессуал тартибда ушланган. Ҳозирда тергов ҳаракатлари олиб борилмоқда.
