Абитуриентлар диққатига! Йўналиш танлаш учун бир кун имконият қолди
Танламасангиз, ўқишга кира олмайсиз. Йўналиш танлаш учун 1 кун вақт қолди. 10-август соат 23:59 га қадар абитуриентлар ўзлари танлаган фанлар мажмуасига мос йўналишни танлашлари мумкин.
Ушбу муддат давомида йўналиш танламаган абитуриентлар танловда иштирок этмайди, яъни улар ўқишга кира олмайди. Неча балл олган бўлишидан қатъи назар.
Шунингдек, эртага соат 23:59 га қадар танлаган йўналишини ўзгартириш ҳам мумкин. Фақат имкони бўлса, ўзгартиришни вақт кам қолганда амалга оширманг.
Эслатиб ўтамиз, мандат натижалари йўналиш танлаш якунлангач, бир ҳафта ичида эълон қилиниши маълум қилинган.
