Тринидад ва Тобаголик 42 ёшли аёлнинг деярли бутун танасини қоплаган ўсмаларнинг бир қисми олиб ташланди.
Интервюда Чармейн Саҳадео кам учрайдиган ирсий касаллик — 1-тоифа нейрофиброматоздан азият чекаётганини айтди. Унинг сўзларига кўра, теридаги биринчи шишлар 13 ёшида пайдо бўлган. Аввалига улар кам эди ва улар ҳеч қандай муаммо туғдирмаган.
Аёл 30 йил давомида ҳар куни макияж қилган. Ва пардоз воситалари касалликни кучайтириб, 40 ёшида унинг танасини минглаб ўсмалар қоплаган.
ўсмалар аста-секин уни тўлақонли ҳаёт кечириш имкониятидан маҳрум қилган: оёғидаги шишишлар туфайли у юра олмас, нафас олиши, овқатланиши ва гапириши қийинлашганди, чунки оғзидаги шишлар ҳам ўсиб борган.
Бундан ташқари, Саҳаде унинг кўз қовоқларида шиш пайдо бўлгани учун кўриш қобилияти ёмонлашди.
Лос-Анжелесдан (АҚШ) онколог жарроҳ Раян Осборннинг таъкидлашича, Саҳадео билан оғриган нейрофиброматоз жуда кам учрайди — ўртача 3000 та янги туғилган чақалоқда битта ҳолат қайд этилади.
Унинг қўшимча қилишича, касаллик НФ1 генидаги мутациядан келиб чиқади ва уни даволаб бўлмайди.
Хатарларга қарамай, жарроҳ ўсмаларнинг бир қисмини олиб ташлади ва аёлнинг ҳаракат қилиш, гапириш ва овқатланиш қобилиятини тиклади. Интервюлардан бирида доктор унинг танасини тўлиқ тозалашнинг иложи йўқлигини айтди, чунки ҳар бир ўсимта олиб ташлангач жуда кучли оғриқ беради.
Косметика маҳсулотларидан муттасил фойдаланиш шу каби ёмон оқибатларга олиб келиши мумкин.
