Янги iOS 18да блокировка қилиш хусусияти (Activation Lock) экран, камера ёки батарея каби алоҳида смартфон қисмларига кенгайтирилади.
Ўғирланган қисмлари аниқланган тақдирда, фойдаланувчидан асл қурилма ҳисоби учун паролни киритиш талаб қилинади.
Ишқибозлар аллақачон иккита iPhone қисмларини алмаштиришга ҳаракат қилишган.
Шу билан бирга, технология гиганти iPhoneни ишлатилган оригинал эҳтиёт қисмлар ёрдамида таъмирлашга рухсат беради. Компаниянинг таъкидлашича, бу маҳсулотларнинг хизмат қилиш муддатини оширади, шунингдек, таъмирлашнинг атроф-муҳитга таъсирини камайтиради.
Эслатиб ўтамиз, iOS 18 16 сентябрда чиқарилади.
