Ўзбекистон Республикаси Президенти Шавкат Мирзиёев Саудия Арабистонининг Ар-Риёд шаҳрида ўтказилаётган араб-ислом саммити доирасида Саудия Арабистони энергетика вазири шаҳзода Абдулазиз бин Салмон Ол Саудни қабул қилди.
Учрашувда қўшма инвестиция лойиҳаларини амалга ошириш ва «яшил» энергетика соҳасида ҳамкорликни кенгайтириш масалалари муҳокама қилинди. Президент Мирзиёев Ўзбекистон энергетика соҳасини тўғридан-тўғри инвестициялар ва замонавий технологиялар асосида модернизация қилишда етакчи «ACWA Power» компанияси билан самарали ҳамкорлик йўлга қўйилганини таъкидлади.
Учрашувда, шунингдек, Ўзбекистон ҳудудларида шамол ва қуёш электр станциялари қуриш ҳамда «яшил» водород ишлаб чиқариш лойиҳаларини тезлаштиришга алоҳида эътибор қаратилди.
