Бугун, 20 январь куни Manchester City клуби барча саҳифаларида Абдуқодир Ҳусанов трансферини эълон қилди.
Ўзбекистон терма жамоаси ҳимоячиси Абдуқодир Ҳусанов Англиянинг етакчи клубларидан бири Manchester City билан шартнома имзолагани ҳақида шов-шувлар анчадан бери давом этиб келаётганди. Бу ҳақда инсайдер Фабрисио Романо ўз саҳифаларида маълум қилган эди. Аммо клубнинг ўзи бу ҳақда ҳали эълон қилмаганди. Ва бугун клуб бу ҳақда расмий хабар жойлади.
Ҳусанов 2024/2025 йилги мавсумнинг иккинчи қисмида Пеп Гвардиола жамоасига қўшилади ва унинг клуб билан шартномаси 2029 йилнинг ёзига қадар давом этади. Клубда Абдуқодир 45 рақамда тўп суради.
Маълумот учун, Абдуқодир Ҳусанов Ўзбекистон терма жамоаси ярим ҳимоячиси, 2023 йил ёзида Беларуснинг “Энергетик-БГУ” клубидан Франциянинг “Ленс” жамоасига келиб қўшилди ва 1-лиганинг энг ёш ҳимоячиларидан бири эди.
