Ҳодиса 29 январь куни юз берган, эркак ТикТокъда жонли эфир олиб бораётган пайтда ҳужумга учраган. Ҳолат юзасидан беш киши ҳибсга олинган. Жиноят содир бўлган жой атрофи ўраб олинган, кўп қаватли уй атрофида қидирув ишлари олиб борилмоқда.
Салван Момика 2018 йилда Ироқдан Швецияга келган ва 2021 йилда уч йиллик яшаш рухсатномасини олган. 2024 йил ёзида унинг вақтинчалик яшаш рухсатномаси бир йилга узайтирилган. Швеция прокуратураси Момикага “нафрат қўзғатиш” моддаси бўйича айблов қўйган. У 2023 йил ёзида Стокголмнинг тўрт жойида Қуръонни йўқ қилиш билан боғлиқ тўртта ҳолат бўйича айбланган. Ироқ Швециядан Қуръонни йўқ қилган фуқаросини топширишни талаб қилган.
Қуръон йўқ қилингани акс этган кадрлар жиноий қилмишлар далили ҳисобланади. 30 январь куни суд Момикага қарши ҳукм чиқариши керак эди. Аммо суд ҳукмини эълон қилиш кечиктирилди. Чунки “айбланувчилардан бирининг ўлими тасдиқланганди”.
2023 йил 28 июнь куни Ийд ал-Адҳа (Қурбон ҳайити)ни нишонлаётган пайтда, Стокголм марказидаги майдонда биринчи марта мусулмонларнинг муқаддас китоби йўқ қилинди. Шундан сўнг бир қатор шунга ўхшаш ҳаракатлар амалга оширилди.
