Ҳиндистонда яшовчи эркак турмуш ўртоғининг ваъдаларига ишониб, буйрагини сотди, аммо операциядан сўнг барча маблағдан маҳрум бўлди.
Маълумотларга кўра, аёл 10 ёшли қизининг таълими учун маблағ кераклигини айтиб, эрини $11 500 эвазига буйрагини сотишга кўндирган. Бир йил давомида харидор излаган эркак, ниҳоят, операцияни амалга ошириб, барча пулни ишонган ҳолда рафиқасига топширган. Бироқ аёл бу маблағни ўғирлаб, ижтимоий тармоқ орқали танишган ўйнаши билан қочиб кетган.
Кейинроқ аёл бу ишни аввалдан режалаштиргани ва эрининг барча пулларини ўзлаштириш ниятида бўлгани маълум бўлди. Ҳозирда жабрланувчи ҳуқуқ-тартибот идораларига мурожаат қилган.
