Ҳукумат янги ташаббусларни амалга оширишни бошлади
Давлат раҳбарияти томонидан иқтисодиёт ва ижтимоий соҳаларни ривожлантиришга қаратилган қатор муҳим қарорлар қабул қилинди.
🔹 120 та маданият ва санъат маркази бўш тургани маълум қилинди. Маданият вазирига уларни илғор хорижий тажриба асосида хусусий секторга беришни ташкил этиш топширилди.
🔹 5 та ихтисослашган тиббиёт маркази хусусий бошқарувга ўтказилиши жараёнини тезлаштириш муҳимлиги қайд этилди.
🔹 Чегара олди ҳудудларида 21 та кўп тармоқли клиника ташкил этиш ишлари бошланади.
🔹 Малайзия ва Индонезия зиёратчилари учун “Умра плюс” турпакети йўлга қўйилади.
🔹 72 та замонавий йўл бўйи сервис объектлари қуриш учун бўш ерлар тадбиркорларга берилади.
🔹 “Евро-5” ва ундан юқори экологик талабларга мос юк автомобиллари яна 3 йилга божхона божи ва утилизация йиғимидан озод қилинади.
Ушбу чора-тадбирлар хусусий секторни ривожлантириш, тиббиёт ва сайёҳлик инфратузилмасини яхшилаш ҳамда тадбиркорликни қўллаб-қувватлашга қаратилган.
