Кеча, 9 февраль куни Намибиянинг биринчи президенти Сэмьюэл Нуйома 95 ёшида оламдан ўтди. Бу ҳақда маҳаллий NAMPA ахборот агентлиги хабар берди.
Маълумотларга кўра, собиқ давлат раҳбари мамлакат пойтахти Виндҳукдаги касалхонада вафот этган. Унинг ўлими сабаблари ҳақида расмий маълумот берилмаган. Намибиянинг амалдаги президенти Нанголо Мбумба Нуйоманинг вафоти ҳақидаги хабарни тасдиқлади.
Сэмьюэл Нуйома 1929 йилда туғилган бўлиб, Москвадаги Халқлар дўстлиги университетини тамомлаган. У 1960 йилда Намибиянинг мустақиллиги учун курашган СВАПО (Жанубий Ғарбий Африка халқ ташкилоти) партияси асосчиларидан бири бўлган. 1989 йилда, БМТ назорати остида ўтказилган сайловларда, Намибиянинг биринчи президенти этиб сайланган. У 1990 йилдан 2005 йилгача мамлакатни бошқарган.
