Нафас олиш йўллари инфекцияси билан касалхонага ётқизилган Рим папаси Франциск бўйича ўтказилган тестлар натижалари “мураккаб клиник кўриниш”дан далолат бермоқда, деб ёзади ANSA Ватикан матбуот хизматига таяниб.
“Сўнгги кунларда ва бугунги кунда ўтказилган тадқиқотлар натижалари полимикробли нафас йўлларининг инфекциясини кўрсатди, бу эса терапиянинг ўзгаришига олиб келмоқда. Бугунги кунга қадар олиб борилган барча тадқиқотлар касалхонада ётишни талаб қиладиган мураккаб клиник кўринишдан далолат беради”, – дейилади хабарда.
Ватиканнинг баёнотида айтилганидек, Рим папаси Франциск касалхонада керак бўлганда қолади. Унга тўлиқ дам олиш буюрилган эди, шунинг учун у 16 февраль, якшанба куни анъанавий ҳафталик намозларини ўқий олмаган.
