Европа Иттифоқи 16-санкция пакетини эълон қилди. Россиянинг Украинага бостириб киришининг уч йиллиги муносабати билан эълон қилинган санкциялар рўйхатига Ўзбекистонда рўйхатдан ўтган “Узстанех” МЧЖ ҳам киритилган.
Ушбу компания механик қурилмаларнинг улгуржи савдоси билан шуғулланади. Уни Дмитрий Александрович Бойтсов бошқаради, асосчиси Василий Виталиевич Абрамов.
Европа Иттифоқи Россиянинг Украинага ҳарбий бостириб кириши бошланганининг уч йиллиги муносабати билан Россияга қарши 16-санкция пакетини тасдиқлади. Кенгаш Россия ҳарбий-саноат комплексини қўллаб-қувватловчилар рўйхатига 53 та янги ташкилотни қўшган.
