Ижтимоий кешбек олиш учун “Ижтимоий ҳимоя ягона реестри”га киритилган жисмоний шахслар чакана савдо объектларидан айрим товарларни сотиб олганда харид суммасидан 1 фоиз миқдордаги кешбек ўрнига, 12фоиз ҚҚС суммасини қайтариб олишлари мумкин.
Ижтимоий ҳимоя миллий агентлиги ахборот хизматининг маълум қилишича, ҚҚС суммасини қайтариш учун “Ижтимоий ҳимоя ягона реестри“га киритилган истеъмолчи Солиқ иловасини юклаб олиб, Face ID ёрдамида рўйхатдан ўтади ва иловада харид чекининг QR-кодини сканерлаши керак. “Ижтимоий кешбек“ни “Кешбек ва имтиёзлар“ бўлимида кузатиб бориш мумкин.
Шуни нгдек ҚҚС қайтаришда қуйидагилар ҳисобга олинади:
— харид қилинган товар ҚҚС қайтариладиган маҳсулотлар рўйхатига киритилганлиги;
— харидор «Ижтимоий ҳимоя ягона реестри»га киритилганлиги;
— тадбиркор ҚҚС тўловчиси сифатида рўйхатдан ўтганлиги.
Эслатиб ўтамиз, ҚҚС суммасини чек рўйхатдан ўтказилган ойдан кейин ойнинг 25-санасидан сўнг Солиқ мобил иловаси орқали қайтариб олиш мумкин.
