Хонандага Туркияда оғир жиноят ҳисобланган ноқонуний пул тикишни тарғиб қилиш айби қўйилган.
Туркиялик машҳур қўшиқчи Сердар Ортач қамоқ жазосига ҳукм қилинди.
Ортач реклама ва ноқонуний пул тикишни тарғиб қилиш тўғрисидаги қонунни бузгани учун 10 ойлик қамоқ ва 400 лира миқдорида жаримага тортилди, деб ёзадиHaber Global.
Қайд этилишича, суд ҳукм ижросини кечиктириш тўғрисида қарор қабул қилган — бу қарор Истанбул прокуратураси томонидан қимор ўйинларини тартибга солувчи қонунларни бузганликда айбланиб, ўтказилаётган тергов доирасида қабул қилинган.
Хонандага Туркияда оғир жиноят ҳисобланган ноқонуний пул тикишни тарғиб қилиш айби қўйилган. Қамоқ жазосидан ташқари у жарима ҳам тўлайди. Бироқ суд ҳукмни дарҳол бажармасликка қарор қилиб, хонандага ҳозирча қамалмаслик имконини берди.
Эслатиб ўтамиз, Ортач ва ушбу ишда айбланаётган таниқли турк шоумен Меҳмет Али Эрбил дастлабки тергов доирасида уй қамоғида эди.
