АҚШнинг янги маъмурияти томонидан USAID грант дастурларининг молиялаштирилишини “музлатилиши” туфайли Ўзбекистондаги қатор фуқаролик жамияти институтлари лойиҳалари тўхтатилди.
Парламент ҳузуридаги фуқаролик жамияти институтларини қўллаб-қувватлаш жамоат фонди директори Отабек Ҳусоновнинг таъкидлашича, бундай лойиҳаларни давом эттириш учун шароитлар яратилади.
Унинг сўзларига кўра, фонд 2025-йилда хорижий грантларнинг тўхтатилиши сабабли муаммоларга дуч келган ташкилотлар учун алоҳида дастур жорий этишга тайёр.
