Ўзбекистон Республикаси Сув хўжалиги вазири Шавкат Хамраев Камбожа пойтахти Пномпен шаҳрида бўлиб ўтган Осиё сув кенгаши директорлар кенгашининг 22-йиғилишида иштирок этди.
Йиғилиш доирасида семинар ҳамда Жанубий Корея етакчи компанияларининг сувдан фойдаланиш соҳасида илғор технологиялари ва инновацион ечимларни намойиш этувчи кўргазма бўлиб ўтди.
Осиё сув кенгаши директорлар кенгашининг 22-йиғилишида Ўзбекистон Республикаси Сув хўжалиги вазири Ш.Хамраев Ўзбекистоннинг ушбу ташкилотга аъзо бўлиб кириши учун ариза топширди. Йиғилиш иштирокчилари бу ташаббусни қўллаб-қувватлашди.
Пномпенга ташриф чоғида Ўзбекистон Сув хўжалиги вазири қатор расмий учрашувлар ўтказди. Хусусан, Осиё Сув кенгаши Президенти, K-water корпорацияси бош директори Юн Сок Дэ билан мулоқотда ҳамкорлик истиқболлари муҳокама қилинди.
